الـــــــــطـــــــريــــــقـــــة
انش يمين لمدة 10 دقايق يمين بعدها انش يسار لمدة 10 دقايق قدم وتزيد سرعته بنضرتك للمهر وتخليها تروت بعدها ينقاد المهر (يعني تمشيه لمدة 20 دقيقه) والرشمه تكون عليه ما تشيلها وتحط المهر ببادوق بعدها وتكرر اليوم التالي الانشات يمين ويسار لمدة اسبوع او 6 ايام
تكرر الطريقه نفسها الاسبوع الثاني مع وضع سرج على المهر قبل القود (يعني تمشيه) او بعدها لكي يتعرف عليه .. اول ما تحط السرج راح يستنكر المهر السرج ولا تهتم لانه اول مره ينحط عليه
ليمن تحط السرج يجيه الخيال ويحاول يطمر كشكل بس ما يركب .. يحط ايدينه ويرفع جسمه بس ما يقعد على السرج ويكرهها كذى مره (من 10 مرات الى 20 مره) وهالحركه تسويها بعد ما يخلص الحصان من القود (المشي) أو قبلها
بالاسبوع الثاني تخلي يلف كناتر بطيئه (سلو كنتر) يمين ويسار مع التهويش بعصا او خشبه عشان تزيد من سرعته
طبعا واحد يكون ماسك حبل الانش وشخص اخر يقوم بالتهويش
وتحطلك بالسرج اوزان مختلفه (رمل مثلا)
واانت تسوي انش يمين او يسار في الاسبوع الأول والثاني وقف الحصان ثواني بين كل دقيقتين ونص الى ثلاث دقائق لمدة لا تزيد عن 30 ثانيه وصفرله وايد وكمل واذا كان كذى شخص يصفرون معاك احسن
في أخر 4 أيام تقوم بتعريف المهر للمسراع وتكون بطريقة وضعه عليه في بداية يوم العسفه او نهايتها وليمن تبدى بالانشات لا تضع المسراع عليه او حتى عند القود
السرج يكون على المهر لمدة لا تقل عن 7 أو 8 دقايق
بعدها توكل على الله و أركب المهر واستمتع بالعسفه
عطيتكم الطريقه كامله والسهله بنفس الوقت وتستاهلون
الإثنين يوليو 12, 2010 2:13 am من طرف حميد
