من aعرفتكaمدريaوش حصلي

من عرفتك مادري شلي حصل...؟!
كل البشر من تشوف الزهر تشمه إلا أنا من لهفتي قمت أقطفة وأضمة.
صرت موت أحبك ويهمني قلبك وإلي يهمه وخفوقك قبل ماينطق أفهمة.

قمت أشوفك بالليل ضيء القمر.
وأحسك بالنهار دفى الشمس.
وردة أشوفك من بين هالناس...
احساسي بوجودك مايشبة إحساس...
أحبك والدقيقة معك أشتريها بألماس...
منبع فرحتي وزارع بسمتي حبي لك ماله مقياس...

ومن كلامك ياحلو الهمس...
اسقيني من حروفك واترك مسمعي وسط موج دافي مصدرة روعة حديثك.

لو تعرف كثر الشوق إلي فيني وشدة لهفتي وحنيني شرط لو كنت بآخر العالم أخليك بكل لهفة تجيني.

اجلس قدامي واتركني أشوف حلا دنيتي بأحلى عيون ،وخلني أحس بدفى أنفاسك وأنا من فرحتي فيك ودي ابتسم طول الوقت وماهمني من قال مجنون ، وأنت قريب مني أحس بأمان وكل صعب بوجهي يهون.

اطلب مني ياقلبي كل ماتبي فرحتك وضحكتك هي مطلبي...
قلي.. تبي روحي تسليك...؟ أو نفسي تدفيك...؟ أو بعمري أفديك...؟ أو تاخذ عيني ترعاك وتحميك...؟

لاتقول كثير لو أحط الشمس بيد والقمر بيد أشوفه بعيني قليل، وليه مايكون قليل..؟
على من وقف جمبي وخلاني عن الهم أميل..
على من شقى معي وعلمني الحب الأصيل..
وراحتي والبسمة إلي على شفتي هي أكبر دليل..
أحبه حب ماينتهي لو يتوارثة جيل بعد جيل..



ترى دمعة من عيونة قطرة دم مني.
وحرارة صدرة بركان بجوفي يحرقني.
وآهاتة سيوف بظهري تطعني.
وضيقة صدرة ظلام شديد يخنقني.
لاتلوموني كل هذا من خوفي عليه ..

لاشفته يمشي والهوا ضده أروح قدامة علشان بصدري أحميه.
حتى الزهر لاجا يقطفة أقطفة قبله أخاف شوكة تأذية.
قولوا وسواس ماهمني..أو مجنون من بين هالناس ماضرني.

لو فقدته من بيجلس مكانه..؟ من بيريح قلبي ويمسح أحزانه..؟ من بيفكر فيني ويعطيني حنانه..؟ من يضحي لي بوقته وأيامه..؟
تبغون تعرفون شكثر أحبه ؟
أسمعوا دقات قلبي كيف باسمة تبوح.
واسألوا روحي من زرع فيها الطموح.
وخبروا قطرات دمي من هو بلسم الجروح.
وليه عيني بفرقاه بالدموع تلوح وكل جزء مني وهو بعيد يشكي وينوح.

أنا كذا معاه مرتاح وأيامي معه كلها صباح لو تعطوني دنيا ثانية مثل هالكون ماتركه ويكفيني إنه لحبي يصون وآخر كلمة راح أقولها وكلي شجون إلي يفكر إن الفرقة مابينا ممكن تكون تراه بالحيل مجنون.

كلام روعة


تسلمين ع المشاركة

ثانكس على المرور الحلو والطيب